La nomo en esperanto de la 4 “novaj” satelitoj de Plutono

Unuamomente oni pensis, ke Plutono ne havis satelitojn, simile al la planedoj Merkuro aŭ Venuso. Tamen en la jaro 1978 oni eltrovis la unuan sateliton de ĉi tiu nana planedo, kiu ricevis la nomon Ĥarono.  La usona sciencisto James W. CHRYSTY, eltrovanto de tiu satelito,  elektis tiun nomon rilata al la infera mitologio, tiel aperas sur la esperantalingva verko La Kosmo kaj Ni, (David Galadí-Enríquez kaj Amri Wandel), eldonita de Fundación Esperanto kaj Flandra Esperanto-Ligo en la jaro 2000.

Tamen lastatempe aliaj pliaj 4 satelitoj ĉirkaŭ Plutono estas eltrovitaj. Pro la fakto, ke la nomoj Plutono kaj Ĥarono rilatas al la infera mitologio, la “novaj” 4 satelitoj ankaŭ ricevis nomojn apartenantajn al tiu mondo. Jen ili en esperanto:

S/2005 P 1 HIDRO

S/ 2005 P2 NIKSO

S/ 2011 P1 CERBERO

S/2012 P1 STIKSO

Temas pri provizoraj nomoj, kvankam sendube ili fariĝos definitivaj, proponitaj de la Internacia Astronomia Unio.

FacebooktwitterpinteresttumblrmailFacebooktwitterpinteresttumblrmail

5 pensoj pri “La nomo en esperanto de la 4 “novaj” satelitoj de Plutono”

    1. Vere ŝajnas, ke estas multaj Tolkien-legantoj inter tiuj homoj kiuj proponas nomojn, ĉar alia el la proponitaj por ĥarona regiono estas fakte Provinco (“Shire”). Kaj eĉ por plutonaj regionoj estas Balrog kaj Morgoth!

  1. Ĉu vere ekzistas malsimilaĵoj inter la antikvuloj kaj ni mem. Tute ne! Dum la klasika Grekio ĉiuj homoj konis la aventurojn de Heraklo, la am-aventurojn de Zeŭso kaj Eŭropo (mildiable, mi ne povas imagi kiamaniere virino amas taŭron !) kaj dank’al ĉiuj ĉi historioj la antikvuloj nomis planedojn, konstelaciojn kaj stelojn.

    Kio okazas rilate la “hodiaŭajn” homoj? Ĉiuj ni konas la aventurojn de Frodo, de Gandalf, de Gollum. Do, kiam ni trovas “novajn” forajn lokojn, ni uzas nian plej ŝatatan mitologion por nomi ilin.

    Nenio nova sub la sun’. Eĉ ne la novaj 4 satelitoj de Plutono, kiuj ja estas tie ekde antaŭ milionoj da jaroj.

Respondi